ဒီဘလော့လေးသည် ဗုဒ္ဓမြတ်စွာ ဘုရား၏ အရိပ်အောက်တွင်ရှိသောကြောင့် ရောက်လာသူအပေါင်း ကိုယ်စိတ်နှစ်ဖြာ ကျန်မာ ရွှင်လန်း ကြပါစေ။********************<>*<>....................ဆရာကြီးတစ်ယောက် မဟုတ်သိအတွက် အမှားပါလျှင် လည်းနားလည်ပေးကြပါ လိုအပ်တာရှိရင် ပြောပေးကြပါ အကြံဥာဏ်လေးပေးကြပါ အားလုံးကိုကျေးဇူးတင်ပါတယ်။ ကျွန်တော်ဘလော့တွင်ကျွန်တော်နှင့်အတူနည်းပညာများကိုမျှဝေချင်တယ်ဆိုရင် maungruper@gmail.com ကို mail ပို့ပြီးဝင်ရောက်မျှဝေလို့ရပါတယ်။ နည်းပညာ ညီကိုမောင်နှမ များကိုလည်း နွေးထွေးစွာကြိုဆိုလျှက်ပါ။

Saturday, August 31, 2013

iTunes 11.0.5.5 Final - Apple ဖရီးအကောင့်ဖွင့်နည်း


iTunes 11.0.5.5 Final နောက်ဆုံးထွက် ဗါးရှင်းလေးပါ..။ ဒီ iTunes ဆော့ဝဲလ်ကတော့ Apple ရဲ့ ထုတ်ကုန်တွေဖြစ်တဲ့ iPhone , iPad နဲ့တခြား Apple ပစ္စည်းတွေကို ကွန်ပျူတာနဲ့ ချိတ်ဆက်အသုံးပြုတဲ့ အခါမှာ မရှိမဖြစ်လိုအပ်ပါတယ်..။ အခုနောက်ပိုင်းမှာ မြန်မာပြည်သားများလည်း iPhone / iPad တွေကို အသုံးပြုလာကြတာ တွေ့နေရပါတယ်..။ ဒီနေရာမှာ ဘာတွေလိုအပ်လာသလဲဆိုတော့ အဓိကကတော့ Apple store ထဲကို ဝင်ဖို့.. Android ဖုန်းတွေမှာလို Gmail အကောင့်နဲ့ ဝင်လို့မရတာပါပဲ..။ Apple store ထဲကို ဝင်ပြီး ဖရီးဂိမ်းတွေနဲ့ တခြား ဖရီး App တွေ ဒါင်းယူဖို့ ဆိုရင် Apple အကောင့်နဲ့ ဝင်မှ ယူလို့ရမှာ ဖြစ်ပါတယ်..။ Apple ဖရီးအကောင့်ဖွင့်တာလည်း မဖွင့်တတ်ရင်၊ စည်းကမ်းတွေ နားမလည်၊ သိမထားရင် လုံးဝ အကောင့်ဖွင့်လို့ မရပါဘူး..။ ကျနော့် သူငယ်ချင်းရဲ့ သူငယ်ချင်းကတော့ iPad ဝယ်လာပြီး ဖရီးအကောင့်ကို ဆိုင်မှာ ဖွင့်ခိုင်းတာ မလေးငွေ-၈၀ ပေးလိုက်ရပါတယ်..။ ငွေဈေး-၃၀၀ နဲ့ဆို မနည်းဘူးနော့်..။ ၂-သောင်းကျော် ပေးလိုက်ရတယ်..။ ဖရီးအကောင့်ဖွင့်တာတောင် ပိုက်ဆံပေးရတယ်ဆိုတော့ မဟုတ်သေးဘူး..။
အရင်တုန်းက ကျနော့် Blog မှာ ကျနော့် ဆရာဘုန်းကြီးဦးတေဇ ပိုစ့်တခု တင်ပေးခဲ့ဖူးပါတယ်..။ Apple အကောင့်ဖရီးရအောင်ဖွင့်နည်းပါ..။
ဒီလင့်မှာပါ အဲ့ဒီပိုစ့်ကို ကျန်ခဲ့တဲ့ တပါတ်က သူငယ်ချင်းတစ်ယောက်လည်း iPhone 5 ဝယ်လာလို့ အဲ့ဒီပိုစ့်အတိုင်း လုပ်တာ သိပ်နားမလည်ဘူးဆိုပြီး ကျနော့်ဆီရောက်လာ ပြန်ပါတယ်..။ သူအကောင့်ဖွင့်တာ မရလို့ ကျနော့်ကို ဖွင့်ခိုင်းပါတယ်..။ သူကတော့ စည်းကမ်းတွေ မသိလို့ ဖွင့်မရတာပါ..။ ဒါနဲ့ ကျနော်လည်း အဲ့ဒီပိုစ့်အတိုင်း ဖွင့်ပေးလိုက်တာ ရသွားပါတယ်..။ ဆရာတော် ဦးတေဇရဲ့ ပိုစ့်မှာက စာတွေနဲ့ ရှင်းပြထားတာ မဟုတ်တော့ ဒီဆော့ဝဲလ်လိုအပ်တယ်ဆိုတာ မပါဘူးလေ..၊ နောက်ပြီး စည်းကမ်းတွေလည်း ထည့်မရေးပေးထားတော့ လူသစ်တွေအနေနဲ့ အဆင်မပြေပြန်ဘူး..။ ဒါကြောင့်မို့ ကျနော် ဒီနေ့တော့ ဒီ iTunes 11.0.5.5 နောက်ဆုံးထွက် ကိုပါ ဒေါင်းယူလို့ ရအောင် မူရင်းလင့်နဲ့ ချိတ်ပေးထားပြီး Apple ဖရီးအကောင့်ကိုပါ အလွယ်တကူ ဖွင့်တတ်သွားအောင် ပုံလေးတွေနဲ့ အပြင် စည်းကမ်းချက်တွေကိုပါ စာတွေနဲ့ တဆင့်စီ ရေးပြပေးထားပါတယ်..။ နည်းပညာလေ့လာလိုက်စားနေတဲ့ သူများအတွက် မသိမဖြစ် သိထားသင့်တဲ့ ၊ တတ်ထားသင့်တဲ့ ပိုစ့်တခုပါပဲ..။ ဒီ iTunes ဆော့ဝဲလ်ကို လိုအပ်တဲ့ သူများကတော့ အောက်ကလင့်တွေကနေ မိမိတို့ရဲ့ ဝင်းဒိုးဗါးရှင်းအလိုက် 32-bit (or) 64-bit တွေကို ရွေးယူလိုက်ပါဗျာ..။ Apple ဖရီးအကောင့်ဖွင့်တတ်အောင်ပါ ပုံလေးတွေနဲ့ စည်းကမ်းချက်တွေကိုပါ ဆက်ကြည့်နိုင်ပါတယ်..။

iTunes 32-bit - 84 MB


iTunes 64-bit - 86 MB


အရင်ဆုံး iTunes ဆော့ဝဲလ်ကို မိမိတို့ ကွန်ပျူတာထဲ install ထည့်ပြီးသွားရင်တော့ အောက်ကပုံလေးတွေအတိုင်း နှိပ်ပြီး ဝင်သွားလိုက်ပါ..။










ကျနော်တို့ ဒီနေရာမှာ ဖရီးအကောင့်ဖွင့်မှာ ဖြစ်တဲ့အတွက် ဖရီးဂိမ်းတွေကို ရှာပြီး ကလစ်ရမှာ ဖြစ်ပါတယ်..။ ဒါကြောင့် အောက်ကပုံလေးအတိုင်း Free လို့ ရေးပြထားတဲ့ ဂိမ်းတခုကို ကလစ်လိုက်ပါတယ်..။




အပေါ်ပုံအတိုင်း Free ကနေ Create Apple ID ကို နှိပ်ပါ..။






အပေါ်မှာ အမှန်ခြစ်ပေးပြီးမှ Agree ကို နှိပ်ပါ..။ အပေါ်ပုံမှာ မြင်နေရတဲ့ စာသားကတော့ အောက်ဆုံးကို ဆွဲချမှ မြင်ရမှာ ဖြစ်ပါတယ်..။
အောက်ကပုံအတိုင်း ဆက်ပေါ်လာရင်တော့
၁)- မိမိတို့ရဲ့ gmail လိပ်စာကို မှန်အောင်ထည့်ပါ..။ အားလုံးပြီးသွားရင် မိမိတို့ရဲ့ gmail ကနေ ပြန်ဝင်ပြီး verify လုပ်ပေးရမှာ ဖြစ်ပါတယ်..။
၂)- ပါတ်စ်ဝါ့ဒ်မှာ.. Password နဲ့ Verify Password နေရာ၂-ခုမှာ ၂-ခါ မှန်အောင် ရိုက်ထည့်ပေးပါ..။ စည်းကမ်းချက်တော့ ပါတ်စ်ဝါဒ့်ရဲ့ ရှေ့ဆုံးစာလုံးဟာ အက္ခရာ အကြီး ဖြစ်ရပါမယ်..။ ဥပမာ- A နဲ့ နောက်က ဂဏန်းနဲ့ အက္ခရာတွေ ရောထည့်ပေးရမှာ ဖြစ်ပါတယ်..။ နောက်တခုက အက္ခရာနဲ့ ဂဏန်း ၃-လုံးတူ ပါလို့ မရပါ..။ အများဆုံး ၂-လုံးတူသာ ပါခွင့်ရှိပါတယ်..။ ဥပမာ-ပါတ်စ်ဝါ့ဒ်က ဒီလိုမျိုး ဖြစ်ရပါမယ်..။ ( A007lmbit456 )
၃)- မေးခွန်းတခုကို မိမိတို့ ကိုယ်တိုင်ရေးထည့်ရမှာ ဖြစ်ပြီး ၊ အောက်ကအဖြေကိုလည်း မိမိတို့ကိုယ်တိုင် မှတ်မိတဲ့ အဖြေပဲ ရေးထည့်ပေးပါ..။ အကောင့်ဖန်တီးဖို့ အခက်အခဲရှိတဲ့ သူများကတော့ အောက်ကပုံတွေမှာ ကျနော်ဖြည့်ထားတဲ့အတိုင်း အတူတူလိုက်ဖြည့်လိုက်ပါ..။ gmail ကိုတော့ မိမိတို့ gmail နဲ့ ပြောင်းထည့်ရင် ရပါပြီ..။
၎)- မွေးသက္ကရာဇ်မှာတော့ မိမိတို့ အဆင်ပြေသလို ထည့်ပေးပါ..။





Continue ကို နှိပ်ပြီးသွားရင်တော့ အောက်ကပုံအတိုင်း ပေါ်လာရင် None စာသားကို တချက်ကလစ်ပေးလိုက်ပါ..။ ကျနော်တို့မှာ ဘာကတ်မှ မရှိတဲ့အတွက် None ကိုနှိပ်ပြီး ဆက်လုပ်ရမှာ ဖြစ်ပါတယ်..။



အောက်ကအကွက်တွေမှာ ဖြည့်ရင်တော့ နာမည်၊ လိပ်စာ၊ မြို့နယ်ကုဒ်နံပါတ်၊ မြို့နယ်၊ မိမိရဲ့ဖုန်းနံပါတ်တွေကို မှန်အောင် ဖြည့်ပေးလိုက်ရင် အဆင်ပြေပါပြီ..။ မဖြည့်တတ်တဲ့ သူများကတော့ အောက်ကပုံမှာ ကျနော် ပြထားတဲ့အတိုင်း တူအောင် လိုက်ဖြည့်ပေးလိုက်ပါ..။



အောက်ကပုံအတိုင်း ဆက်ပေါ်လာရင် OK မနှိပ်ပါနဲ့..။ အရင်ဆုံး မိုဇီလာလို Browser ကနေ မိမိတို့ရဲ့ အပေါ်မှာ ထည့်ထားခဲ့တဲ့ gmail ကို ဝင်ပြီး Apple ကပို့လိုက်တဲ့ လင့်ကနေ Verify လုပ်ပေးရမှာ ဖြစ်ပါတယ်..။ အောက်ကပုံတွေမှာ ဆက်ကြည့်လိုက်ပါဗျာ..။



Gmail ကနေ ဝင်ပြီး အောက်ဆုံးပုံတွေအတိုင်း Verify Now ကို နှိပ်ပြီး Apple အကောင့်ကို Active ဖြစ်အောင် လုပ်ပေးလိုက်ပါ..။





မိမိတို့်ရဲ့ Browser မှာ အောက်ကပုံအတိုင်း ဆက်ပေါ်လာရင် အပေါ်ဆုံးမှာ ဖြည့်ထားခဲ့တဲ့ Gmail နဲ့ Password ကို မှန်အောင် ထည့်ပေးပြီး Verify Address ကို နှိပ်ပေးလိုက်ပါ..။




အပေါ်နဲ့ အောက်ကပုံတွေအတိုင်း အဆင့်ဆင့် နှိပ်သွားလိုက်ပါ..။ အဆင်ပြေသွားပါပြီ..။




အပေါ်ကပုံအတိုင်း iTunes နဲ့ OK ပေးလိုက်ရင်တော့ မိမိတို့ စက်ထဲမှာ ရှိတဲ့ iTunes ဆော့ဝဲလ်က အလိုလို Sign in ဝင်ပြီးသား ဖြစ်သွားပါပြီ..။ အောက်ကပုံတွေအတိုင်း မြင်ရမှာ ဖြစ်ပါတယ်..။ ဒါဆိုရင်တော့ iPhone / iPad တွေမှာ ဒီ Apple အကောင့်ဖြစ်တဲ့ Gmail နဲ့ Password ကို အသုံးပြုလို့ ရသွားပြီဖြစ်လို့ Apple store ထဲက ဖရီးဂိမ်းတွေနဲ့ တခြား ဖရီးရတာတွေကို ဒေါင်းယူလို့ ရသွားပါပြီ..။






ကျနော်ကိုယ်တိုင် ရွာလည်ခဲ့တဲ့ ဒီ Apple ဖရီးအကောင့်ဖွင့်နည်းကို ဆရာတော်ဦးတေဇဆီမှာ ပြန်လည်သင်ယူပြီးမှ ဖွင့်လို့ ရခဲ့ပါတယ်..။ ဤပိုစ့်ဖြင့် ဆရာတော် ဦးတေဇအား ဂါရဝပြု၊ ပူဇော်လျှက်.. အားလုံးပဲ လုပ်တတ်ကိုင်တတ်၍ အဆင်ပြေကြပါစေဗျာ

From , လွမ်းမင်းဗိုလ်

Maung Ruper

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation.

0 comments:

Post a Comment

Comment

linkwithin

Related Posts Plugin for WordPress, Blogger...

 

Copyright @ 2013 MAUNG RUPER.

Designed by M@UNG RUP3R , င/ရမ